عقلى احتار فيكى

الإثنين مايو 24, 2010 6:53 am

عقلى احتار فيكى يا عدرا كان تواضعك شىء جبار
اقولك امىملكه طاهره انا بجد حقيقى محتار
جاتلك بشرى وكتمتيها اصرخى قولى ده انتى ام المسيا
ليه ساكته ليه ما قولتيها جاى منك خلاص البشريه
كان معنى سكوتك ايه؟؟ شايله اله قولى ان انا امه
خايفه منا؟..ولا عليه؟..ملقاش منا حضن يضمه
اصحو يا عالم فوقو كمان مستنيينه من زمن طويل
هيحل بنا هيبقى انسان جاى يخلص شعب اسرائيل
ام الهنا وسط الزحمه واله غنى راضى يفتقر؟؟
خبط دور فين الرحمه ملقوهاش غير فى مزود بقر
اطلبى جيش من الشاروبيم ييجى يموتنا كلنا
حبك لينا ده حب عظيم انتى حقيقى فخر جنسنا
عليتى يا عدرا فوق السحاب ده انتى السما الجسدانيه
اتقفل فى وشك كل باب دمعك يا امى هان عليا
رفضوكى يا ملكه اصرخى فيهم اتحجرت فينا القلوب
على صوتك وسمعيهم هتطوبنى كل الشعوب
ابنك كان مطلوب للموت اخدك يوسف وروحتو مصر
وانتى يا عدرا تطيعى فى سكوت..ده انتى لو عايزه هتعيشى فى قصر
كانت رحله طويله عليكى شايله ابنك جوه قلبك
حزن والم تمدى ايديكى..هو يا عدرا كان ايه غصبك؟؟
حبك لينا وعشان خلصنا خلاكى ترضى تدوقى مرار
مفيش كلمه من كلامنا توصف حبك..انا محتار
ويا ترى ان انتى ام اله فرح ولا هيحزن قلبك؟
جاى مخصوص من سماه عشان خلاصنا..اتمرر قلبك
ماشى فى طريق صلبه ورايا وانا الخاطى صلبتك بأيدى
صرخات ام ابنى ضنايا قلبى بيقسى قلب حديدى
ابنى ميستهلش ده كله..قلبك يا عدرا كله مرار
مستنيه حد يقوله كلمه حلوه..نطق مسمار
جريتى ضميتى ابنك يسوعك..قالك يا امى متحزنيش
محدش منا رحم دموعك..أأقسى علينا ليه مقسيتيش؟؟
كنتى عارفه ان خلاصنا تمنه غالى..دم فاديكى
ده انتى عايزه يا عدرا فرحانا وكان فرحانا قاسى عليكى
شفتى بعينك قسوة قلوبنا نصلب ابنك واللى يهينه
جاى يموت عشان حياتنا نصرخ ونقول مش عاوزينه
بعد ده كله انا اتوقع تقولى دوله ميستهلوش
عقلك يفكر وهيسترجع..كانو بيقسو ومحنوش
بس طلعت ان انا غلطان مهما كان قلبى قسى
قلبك انتى كله حنان..ضعفى وقسوه قلبى نسى
من غير ما ننده بتجينا..عارفه شعبك..خايفه عليه
نطلب منك بتسمعينا..واحنا معاكى هنحتاج ايه؟؟
ده انتى يا عدرا ام حنونه..لو ابنك محتاج تديه
تمدى ايديكى لينا معونه والتعبان عالطول تشفيه
ده انا لو اصوملك صومك كله..وامدح فيكى واقول اشعار
واحكى لده..وده اقوله عن فضايلك..مش راح اخلص..مش راح اخلص لو هحكيها ليل ونهار

منقوووووووووووووووووووووووووول