يسوع..فقط ب....ربع جنيه..!!؟؟؟

ركب الخادم تاكسى بالنفر متوجها
للقرية التى سيبدا خدمة فيها لاول مرة وقال للسائق انة سينزل عند الكنيسة
ليتوقف عندها ودفع الخادم الاجرة للسائق ولكنة فوجى ان السائق اخطا فى
الحساب ورجع الباقى بزيادة ربع جنية ......
فكر الخادم فى سره : هل اقول لة ام لا ... ولكنة فقط ربع جنية .. انة هدية
من الله والسائق بالتاكيد يربح كثيرا ولن يشعر بعجز فى الايراد ولكن هل
هذه امانة كيف اقبل ما لا يحق لى ..
افق الخادم من سرحانة على صوت السائق وقد اوقف السيارة امام الكنيسة .
الكنيسة يا استاذ ......
اجاب الخادم : الف شكر .. اتفضل حضرتك الربع جنية دة .. انت غلط واديتهولى زيادة فى الباقى ....
ابتسم السائق : لا دى مش غلطة ...انا قصدى اديلك ربع جنية زيادة وكنت عاوز اعرف حتعمل اية ....
اذا رجعتة هاجى الكنيسة واذا كنت اخذتة يبقى ملوش لزوم اسمع لواحد مش بيعيش بوصية ربنا .
وتركة السائق ومضى اما الخادم فشعر ان الارض تدور بة فاستند على حائط منزل وصرخ فى اعماق قلبة " سامحنى يارب كنت حبيعك بربع جنية
مت 5: 16 فليضئ نوركم هكذا قدام الناس لكي يروا اعمالكم الحسنة ويمجدوا اباكم الذي في السموات

موضوع جامد اوى اوى اوى
بس ممكن حاجة زى دى تحصل فى الحقيقة

ميرسى على الرد يا ميرنا

بس انتى بتسألى ولا بتدى معلومة؟

لأ انا بسأل

ممكن جدا يحصل
لان عدو الخير مستنى لينا اى غلطة ويوقعنا فيها حتى لو كانت صغيرة
فاهمانى

ايوة فهمت

الله حلوة قوى قوى قوى
بجد رائعة انا بطلب من ربنا انى اعيش حياة الامانه
علشان بجد اعرف اخدمه اكتر ، اعيشها فى كل حاجه حتى ولو بسيطة
بجد موضووووووووووووع رائع جداااااااا جداااا ربنا يباركك ويبارك حياتك يانفسى اتغير

حلووووووووووووووووووووووووووة جدااااااااا يانفسى اتغير
وربنا يساعدنا اننا نكون امناء دائماً فى خدمتنا
ربنا يباركك يانفسى اتغير