حكايه مسمار

حكايه مسمار

انا مسمار كنت عايش ايام اليهود و الرومان و كان حجمي كبير و قوي جدا

مش زي المسامير الموجودة دلوقتي انا ليا اهمية كبيرة

و كانوا بيسخدموني باني اثبت المجرمين علي الصليب

و كان الصليب دة اشد عقاب علي ايامي

و انا كنت بفتخر ان انا بعاقب المجرمين و بقول إني بعمل خدمة للبشرية

و في يوم من الأيام:

كانوا واخدني علشان أنفذ حكم الصلب زي عادتي طبعا

و أنا طبعا فرحان إني بعمل واجبي

و لكن المرة دي

اكتشفت أن الشخص اللي محكوم علية شخص مختلف عن اللي أنا عرفتهم

وجدت شخص برئ شخص مظلوم

شخص لم يفعل و لا خطية واحدة

فقولت اجري بسرعة و اهرب و لكن حسيت بضربة قوية نزلت علي راسي من ايد متعرفش الرحمة

من ايد مليانة خطية من ايد ملوثة بالدماء و القتل

و سمعت صرخة قوية من المخلص صرخة الالم بسبب سنس المدبب
اللي ثقب ايدة و دخل بين انسجه جسمة

صرخة الم و لكن جواها حب عجيب صرخة الم جواها معني عميق

بيقول يابني بحبك تعالي و انا فديتك انا شلت عنك عار الخطية و حررتك منها

فطلبت منة انة يسامحني اني سببت لية كل الالم دة
و ان بسببي سال دمة

فرد عليا بحنية شديدة:

"لانة هكذا احب اللة العالم حتي بذل ابنة الوحيد لكي لايهلك كل من يؤمن بة
بل تكون لة الحياة الابدية"

وقالى كمان انت معملتش غير واجبك و دمي اللي انت زعلان انة سال

"دة عربون حياة ابدية و بيطهر من كل خطية"

المهم
انا كنت مبسوط ان انسجة جسمة حضناني و ان دمة طهرني

و لكن للاسف حسيت ان الجنود بيشدوني من ايدة لانهم كانوا هينزلوا جسدة
من علي الصليب............ ...........

و ياتري احنا بندق كام مسمار في ايدة في اليوم ؟

بنطعنة بكام حربة في جنبة؟

كام مرة بنخلية يصرخ من الالم بسبب خطايانا؟

كاااااااااااااااام و كاااااااااااام

ياريت نسال نفسنا الاسئلة دي

ان بحسد المسمار ده
وفى نفس الوقت زعلان منه لانه الم
حبيبى ومخلصى يسوع المسيح
لكن يا بخته اخد بركة عظيمة
ربنا يباركك
موضوع حلو كتيييييييير

فعلا احنا بندق مسامير كتيرة اوى فى ايد اكتر انسان بيحبنا
وبرضو بيرجع يسمحنا ويفتح احضانه لينا تانى
فهل يوجد حب مثل هذا؟
ربنا يباركك على الموضوع الجميل ده يا منى