عايز اعرف رأيكم فى القصيده دى.

الخميس أبريل 15, 2010 4:00 pm

القصيدة دى باكلم فيها ربنا واستغرب من طول باله علينا وصبره رغم شرورنا
زمان كان ربنا سريع فى تعامله مع الشر والاشرار زى ماعمل مع سدوم وعموره اما فى عهد النعمه فربنا باله طوييييييييييييييييييييل وصبره ملوش حدود
انا باستغرب من صبر ربنا ده وباقوله مش كفايه؟
القصيده من النوع الحر غير الملتزم بالوزن

!!!مش كفايه؟
مش كفايه ولا لسه مغضبتش من العصيان؟
مش كفايه ولا لسه ميأستش من الانسان؟
مش كفايه؟

فى البدايه خان ادم أبوه
ومن يوميها وكل اولاده بيقلدوه
قولى كام واحد على الارض عاش من جدودنا
من اول خيانة ادم ولغاية جحودنا
!قولى كام واحد خانوك ....قولى كام ؟
بيع وباعوك ...قولى كام مرة بالحراب طعنوك؟
كل العصور ..طول السنين بيجرحوك ..وكل لحظة وكل ثانيه بيصلبوك
ويتركوك...ويرفضوك...ورغم كل حبك بيكرهوك
مش كفايه؟

مش كفايه ولا لسه مغضبتش من العصيان؟!
مش كفايه ولا لسه ميأستش من الانسان؟

كان نفسك تكون على قلوبنا مليك
بمحبتك ورحمتك والخير اللى ماليك
لكن ياخسارة من جانب الحب فى قلوبنا ماليك
مش كفايه ولا ايه ؟
فين طوفانك فين نيرانك؟
ياسدوم اصرخى قدمى احتجاجك على الهلاك
يابن عموره انت بالنسبه لخطايانا ملاك

ابعت طوفان
ابعت طوفان يغسل خطايا الارض وشرور الانسان
ابعت طوفان يوقف نزيف الحب من جرحك ويوقف العصيان
ابعت طوفان
ايه اللى مانع الطوفان؟
قوس قزح والوعد اللى كان ؟
ولا لسه فيه ركب مانحنتش للاوثان؟
لسه فيه ليك شهود..لسه فيه على صورتك انسان؟
ولو مافيش ..مش كفايه ؟

مش كفايه ولا لسه مغضبتش من العصيان؟
مش كفايه ولا لسه ميأستش من الانسان؟!