الناس والله

الناس :
حاجه مهمه اوى علشانهم جه يسوع وعلشانهم اتصلب
وكمان حبهم للمنتهى .
الناس :
هما كمان اللى رفضوا حب يسوع ولطموه وصلبوه
وقالو عليه شيطان ومجنون .
الناس :
هما اللى يسوع احب حتى الاعداء منهم .
الناس :
هما اللى خانوا يسوع وانكروه وباعوه .
الناس :
الناس حاجه مهمه اوى وكمان حاجه كبيره اوى .
الناس :
هما اللى عايشين وسطيهم بنتحرك جنبيهم وعنينا لما بتبص بتبص
عليهم وودانا لما بتسمع بتسمع اصوات بعضيهم .
الناس :
ممكن يرفعونا وممكن تحت الارض يحوطونا
ويدوسوا علينا ويفعصونا .
الناس :
هما اللى بيقولوا الكلمات وهما اللى بيشكلوا بيها فينا .

لازم نحب الناس لكن مش لازم اوى الناس تحبنا .
لازم نسمع صوت الناس لكن خالص مش لازم ننصت ليهم .
لازم نتحرك وسط الناس لكن مش لازم خالص نخليهم يتحركوا جوانا .
ـــــــــــــــــــــــــــــــــــــــــــــــــــــــ
نقطه ومن اول السطر
الله :
ممكن يسمح لاستخدام الشيطان للناس علشان يجرحونا وعلشان
يطردونا وعلشان من سفينتهم يرمونا ،
علشان نترمى على الله وعلشان الله يدفعنا لطريق نمشى فيه
وكان مستحيل نمشى فيه لولا ضغط الناس علينا .
الله :
ينسى الناس لينا ويذكر اناس لانعرفهم بينا .
الله :
يعمل بالكل وفى الكل لاجلنا .

ولكن حاول ان تنصت فقط وتحملق فقط وتسير فقط فى طريق الله ومع الله .
حتى لو كان ذلك يضطر كل المحيطين بك ان يبغضوك .
ـــــــــــــــــــــــــــــــــــــــــــــــــ
حد فهم حاجه
خليك وسطيهم بس انت مش ليهم ، معاهم بس مش ملك ليهم .
ينبغى ان يطاع الله اكثر من الناس مهما كان الامر
الله تفكيره يفوق حد تفكيرك فهو خارج اطار الكرة الارضية هو
الله الغير محدود .

وكان مستحيل نمشى فيه لولا ضغط الناس علينا

فعلا يا سوتى انا شوفت حاجات كتير بتأكد الكلام ده
ميرسى يا سوتى على انك لفتى نظرنا لحاجة مهمة زى دى
ربنا يعوض تعب محبتك معانا

ميرسيه ياميرنا ليكى انتى ياقمر على مرورك

ينبغى ان يطاع الله اكثر من الناس مهما كان الامر
حقيقى ينبغى
الناس :
هما اللى خانوا يسوع وانكروه وباعوه .
لكن
الله :
يعمل بالكل وفى الكل لاجلنا .
مش بينكرنا مهما انكرناه
موضوع رائع جدااااااااااااااااااااا ياسوتى ربنا يباركك كتير من اجل تعبك الرائع وسطينا

ميرسيه كتير يا ادمن على مرورك